भीषण अपघातात ब्रह्मानंद पडळकरांसह तिघे जखमी; बंधू गोपीचंद साता-याहून रवाना

सांगली : सांगली जिल्हा परिषदेचे सदस्य ब्रह्मानंद पडळकर यांच्या वाहनाचा आज (रविवार) भीषण अपघात झाला. या अपघातात ब्रह्मानंद पडळकर यांच्यासह तिघे जण गंभीर जखमी झाले आहेत. ब्रह्मानंद हे भाजपचे आमदार गोपीचंद पडळकर यांचे मोठे बंधू असून त्यांचा अपघात झाल्याचे समजताच आमदार पडळकरांनी सातारा दाैरा अर्ध्यातच साेडून गावी रवाना झाले

एका कार्यकर्त्यांच्या मुलीच्या साखरपुढ्यासाठी जात असताना मालवाहू टेम्पो आणि पडळकर यांच्या वाहनाचा दुपारी विटा कुंडल रस्त्यावर अपघात झाला. दाेन्ही वाहनं समोरा समोर धडकल्याने वाहनांचे माेठं नुकसान झाले आहे.

या अपघातात चाैघे जखमी झाले आहेत. सर्व जखमींना विटा येथील रुग्णालयात दाखल करण्यात आले आहे. दरम्यान आमदार गोपीचंद पडळकर यांना अपघाताची माहिती मिळताच ते साताराचा दौरा सोडून विट्याकडे रवाना झाले.