दिल्ली पुन्हा हादरली! तिसरीत शिकणाऱ्या विद्यार्थिनीवर बलात्कार; सफाई कामगाराला अटक

Delhi Crime News : श्रद्धा वालकर हत्या प्रकरण ताजे असताना राजधानी दिल्ली आणखी एका घटनेने हादरली आहे. राजधानी दिल्लीत इयत्ता तिसरीत शिकणाऱ्या विद्यार्थिनीवर अत्याचार झाल्याची घटना घडली आहे. दिल्लीतील एका शाळेत हा संतापजनक प्रकार घडला आहे. या घटनेने दिल्लीत एकच खळबळ उडाली आहे.

मिळालेल्या माहितीनुसार, दिल्लीत श्रद्धा वालकर हत्या प्रकरणानंतर आणखी एक संतापजनक घटना घडल्याने महिला सुरक्षेचा प्रश्न ऐरणीवर आला आहे. राजधानी दिल्लीत इयत्ता शिकणाऱ्या विद्यार्थिनीचं लैंगिक शोषण केल्याची घटना घडली आहे. दक्षिण दिल्लीतील कालका पब्लिक स्कूलमधील ही घटना घडली आहे. इयत्ता तिसरीमधील विद्यार्थिनीसोबत संतापजनक प्रकार घडला आहे. पीडित विद्यार्थिनीवर सफाई कामगाराने लैंगिक शोषण केल्याचे समोर आले आहे.

पोलिसांनी विद्यार्थिनीवर अत्याचार करणाऱ्या सफाई कामगाराला अटक केली आहे. आरोपीच्या विरोधात पोक्सो अंतर्गत कारवाई करण्यात आली आहे. सध्या या प्रकरणाची संपूर्ण माहिती समोर आलेली नाही.

दरम्यान, दिल्लीत याआधीही शाळेत विद्यार्थिनीवर अत्याचाराची घटना घडली होती.ऑक्टोबर महिन्यात ११ वर्षीय विद्यार्थिनीवर सामूहिक अत्याचार झाल्याची घटना घडली होती. त्यानंतर आता पुन्हा एकादा शाळेत विद्यार्थिनीवर अत्याचार झाल्याची घटना घडली आहे. त्यामुळे सातत्याने महिला अत्याचाराच्या घटना घडू लागल्याने दिल्लीत महिला सुरक्षेचा प्रश्न ऐरणीवर आला आहे.