जमीन थरथरली, अचानक गूढ आवाज; भूकंपाच्या धक्क्याने ८ गावातील नागरिक भयभीत, काही जणांची धावाधाव

नांदेडच्या मुखेड तालुक्यातील सात ते आठ गावांना 3.15 मिनिटाला भूकंपाचे सौम्य धक्के बसले. जमिनीतून गूढ आवाज आणि जमीन हादरल्याचे गावकऱ्यांनी अनुभवले. नांदेडच्या मुखेड तालुक्यातील, हिबट, कोळगाव, धामणगाव, मोटरगा, जामखेड, धनज गावात भूकंप आला. राष्ट्रीय भूकंप विज्ञान केंद्राच्या संकेतस्थळावर रिश्टर स्केलवर 3.0 एवढी नोंदविण्यात आली आहे. नांदेडच्या मुखेड तालुक्यातील खपराळा गावात भूकंपाचा केंद्रबिंदू होता. या भूकंपाने गावातील नागरिकांमध्ये एकच भीती पसरली.