चॉकलेट डेला जोडीदाराला द्या तुमच्या हातची खास बागेश्वरची प्रसिद्ध ब्राऊन बर्फी, बनवायलाही आहे अगदी सोपी

व्हॅलेंटाईन वीक सुरू झाला आहे आणि या दिवसांत प्रेमी युगूल त्यांच्या प्रियजनांना खास करण्यासाठी प्रत्येक दिवस जसे की रोझ डे आणि प्रपोज डे असे पुर्ण वीक साजरा करतात. तर आज चॉकलेट डे आहे. प्रेम व्यक्त करण्याचा हा सर्वात गोड प्रसंग आहे. या दिवशी प्रत्येक जोडीदार एकमेकांना चॉकलेट भेट देतात. पण आजकाल अनेकजण हे आता महागड्या आणि दिखाऊ वस्तूंपेक्षा स्वत:च्या हाताने बनवलेल्या वस्तूंना प्राधान्य देतात.

तुम्ही जर तुमच्या जोडीदाराला या चॉकलेट डे ला हाताने बनवलेला गोड पदार्थ भेट म्हणून देणार असाल, तर तो साजरा करण्यासाठी उत्तराखंडमधील बागेश्वर येथील प्रसिद्ध ब्राऊन बर्फी हे सर्वोत्तम ठरेल. ही हाताने बनवलेली चविष्ट ब्रर्फी खाल्ल्यानंतर तुमच्या प्रिय व्यक्तीला एकदम खास वाटेल.

बागेश्वरची प्रसिद्ध ब्राऊन बर्फी अगदी चॉकलेटसारखी दिसते, चव इतकी अस्सल आणि वास इतका स्वादिष्ट आहे की फक्त एक बाइट खाल्ल्याने तुमच्या जोडीदाराचे मन आनंदित होईल. चला तर मग या चॉकलेट डे ला बागेश्वरची प्रसिद्ध ब्राऊन बर्फी कशी बनवायची ते जाणून घेऊयात.

बागेश्वरची ब्राऊन बर्फी का खास आहे?

बागेश्वरच्या ब्राऊन बर्फीची खासियत म्हणजे त्याला ना महागड्या चॉकलेटची गरज भासत ना कोणती मोठी प्रोसेस. फक्त आपलं घरगुती शुद्ध तूप, गूळ आणि खवा यांच्या साहाय्याने ही बर्फी बनवली जाते. प्रेमाच्या आठवड्यात ही रेसिपी तुमच्या प्रेमाला एक ट्विस्ट देईल.

ही बर्फी बाहेरून गडद ब्राऊन रंगाची आणि आतून मऊ दिसते. गुळाचा गोडवा आणि तुपाचा सुगंध याला सामान्य बर्फींपेक्षा वेगळी आणि खास बनवते. ही बर्फी उत्तराखंडमध्ये अनेकदा सण आणि खास प्रसंगी बनवली जाते आणि आता तुम्ही ती घरी सहज बनवू शकता.

साहित्य

1 कप खवा (मावा)

½ कप गूळाची पावडर

2 टेबलस्पून घरगुती तूप

2 चमचे कोको पावडर

½ टीस्पून वेलची पावडर

2 टेबलस्पून बारीक चिरलेले काजू आणि बदाम

ब्राऊन बर्फी कशी बनवायची

सर्वप्रथम, एका जाड तळाच्या पॅनमध्ये तूप गरम करा.

आता त्यात खवा टाका आणि मंद आचेवर सतत ढवळत राहा आणि हलका तपकिरी होईपर्यंत परतून घ्या.

आता खव्यात गूळाची पूड टाका आणि गूळ वितळेपर्यंत आणि खव्यात पूर्णपणे मिसळेपर्यंत चांगले मिक्स करा.

गूळ आणि खव्याच्या मिश्रणात कोको पावडर टाका आणि आच कमी ठेवा, जेणेकरून त्याची चव कडू होणार नाही.

यानंतर यावर वेलची पावडर आणि सुकामेवा टाका व हे मिश्रण चांगले मिक्स करा.

जेव्हा मिश्रण पॅनला चिकटणार नाही व पूर्णपणे घट्ट होईल तेव्हा गॅस बंद करा.

त्यानंतर एका प्लेटला थोडे तुप लावा, मिश्रण प्लेटमध्ये काढून पसरवा.

थोडावेळ हे मिश्रण थंड होऊ द्या, थंड झाल्यावर तुमच्या आवडीनुसार कोणत्याही आकारात कापा.

ब्राऊन बर्फीचे काप केल्यावर त्यावर थोडी कोको पावडर टाका.

व्हॅलेंटाईन वीक मध्ये तुम्ही हे तुमच्या खास व्यक्तीला तुमच्या जोडीदाराला ही खास तुमच्या स्वत:च्या हातांनी बनवलेली ब्रर्फी खायला द्या तेव्हा त्याची चव आणि प्रेम हे मिश्रण त्यांना भावनिक करेल.

( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)