Nashik News : वणी जवळ होंडा सिटी कारची मोटरसायकला धडक; 1 ठार, 1 जखमी

वणी (नाशिक) : वणी - नाशिक रस्त्यावरील वणी येथील शंखेश्वर पार्श्वनाथ मंदिरा समोर भरधाव कारने मोपेडला उडवील्याने मोटरसायकलवरील एक ठार तर एक जखमी झाला आहे. 

वणी शिवारातील शंखेश्वर मंदिरासमोर आज दिनांक २२ फेब्रु.रोजी दुपारी १. ४५ वा. सुमारास आहे. एम एच ४३एन७२९५ ह्या होंडा सिटी कारने एम एच १५जी वाय ४५२२ या मोपेड ला धडक दिली.

कार ही नाशिक कडून वणीच्या दिशेने भरधाव वेगात येत होती चालकाचे नियंत्रण सुटले व कारने दोन तीन पलट्या घेत रस्त्याच्या बाजुला मुर्ती बनविणा-याच्या ठिकाणावर धडकली. यावेळी मोपेड वरून जाण्या साठी निघालेल्या

राहुल अमरनाथ भाटी वय २६ रा. मानवता हॉस्पीटल समोर, वणी वर्षे हा मयत झाला असुन महिला मनीषा विक्रम पवार वय २० वर्षे रा . दत्त नगर वणी ही जखमी झाली असुन नाशिक येथे उपचारा साठी पाठवण्यात आले आहे.

गाडीचा चालक व त्याच्या बरोबर असलेले अपघात स्थळावरून पळुन गेले आहे. राहुल भाटी हा दगडाच्या मुर्ती बनविणारा होता.अनेक वर्षांपासून हा व्यवसाय करीत होता.वणी पोलीस ठाण्यात गुन्हा दाखल करण्यात येत असुन पुढील तपास वणी पोलीस ठाण्याचे सपोनि.स्वप्निल राजपुत यांच्या मार्गदर्शनाखाली वणी पोलीस करीत आहेत.