SL vs ZIM T20 WC Live Score : झिंबाब्वे चौथ्या सामन्यासाठी सज्ज, ऑस्ट्रेलियानंतर श्रीलंकेला लोळवणार?

Zimbabwe vs Sri LankaImage Credit source: @ZimCricketv and @OfficialSLC X Account

आयसीसी टी 20I वर्ल्ड कप 2026 स्पर्धेत बुधवारी 18 फेब्रुवारीला पाकिस्तानने नामिबियावर मात केली. पाकिस्तानने या विजयासह सुपर 8 फेरीत प्रवेश मिळवला. पाकिस्तान सुपर 8 मध्ये पोहचणारी आठवी टीम ठरली. यासह सुपर 8 चं चित्र स्पष्ट झालं. आता साखळी फेरीतील शेवटचे काही सामने बाकी आहेत. गुरुवारी 19 फेब्रुवारीला 3 सामने होणार आहे. दिवसातील दुसऱ्या सामन्यात श्रीलंका विरुद्ध झिंबाब्वे आमनेसामने असणार आहेत. दोन्ही संघांनी सुपर 8 फेरीत प्रवेश केला आहे. त्यामुळे दोन्ही संघांसाठी सुपर 8 च्या आधी सराव आणि इतर प्रयोगाच्या हिशोबाने हा सामना महत्त्वाचा असणार आहे. या निमित्ताने उभयसंघातील सामन्याला किती वाजता सुरुवात होणार? तसेच इतर 2 सामन्यांच कुणासमोर कुणाचं आव्हान असणार? हे सविस्तर जाणून घेऊयात.

श्रीलंका विरुद्ध झिंबाब्वे आमनेसामने

श्रीलंका विरुद्ध झिंबाब्वे सामना 19 फेब्रुवारीला दुपारी 3 वाजता होणार आहे. हा सामना कोलंबोतील आर प्रेमदासा स्टेडियममध्ये होणार आहे. दोन्ही संघांचा हा साखळी फेरीतील चौथा आणि शेवटचा सामना असणार आहे. दोन्ही संघ आतापर्यंत अजिंक्य आहेत. श्रीलंकेने तिन्ही सामने जिंकले आहेत. तर झिंबाब्वेने 2 सामने जिंकले आहेत. तर झिंबाब्वेचा आयर्लंड विरुद्धचा सामना हा पावसामुळे रद्द करण्यात आला होता. झिंबाब्वेचे यासह 5 गुण झाले आणि त्यांनी सुपर 8 मध्ये धडक दिली. तर पावसामुळे रद्द झालेल्या सामन्यामुळे ऑस्ट्रेलियाचं साखळी फेरीतूनच आव्हान संपुष्टात आलं. अशात आता गुरुवारी होणाऱ्या सामन्यात झिंबाब्वे-श्रीलंकेपैकी कोणता संघ विजयी घोडदौड कायम राखण्यात यशस्वी ठरणार हे पाहणं महत्त्वाचं ठरणार आहे.

पहिल्या सामन्यात विंडीज-इटली भिडणार

गुरुवारी होणाऱ्या पहिल्या सामन्यात विंडीज विरुद्ध इटली आमनेसामने असणार आहेत. विंडीज अजिंक्य आहे. विंडीजने सलग 3 सामने जिंकलेत. तर इटलीचं आव्हान संपुष्टात आलंय. मात्र इटलीने खेळलेल्या 3 पैकी 1 सामना जिंकला आहे. अशात इटली आपल्या मोहिमेचा शेवट विजयाने करुन विंडीजला पराभवाचा धक्का देणार का? याकडे चाहत्यांचं बारीक लक्ष असणार आहे.

अफगाणिस्तान-कॅनडा सामना

अफगाणिस्तान आणि कॅनडा दोन्ही संघ एकमेकांसमोर गुरुवारी या मोहिमेतील आपला शेवटचा सामना खेळणार आहेत. दोन्ही संघांचं साखळी फेरीत पॅकअप झालंय. अफगाणिस्तानने गेल्या वर्ल्ड कप स्पर्धेत उपांत्य फेरीपर्यंत धडक दिली होती. मात्र अफगाणिस्तान यंदा लौकीकाला साजेशी कामगिरी करण्यात अपयशी ठरली. अफगाणिस्तानने 3 पैकी 1 सामना जिंकला आहे. तर कॅनडाने सलग तिन्ही सामने गमावलेत. त्यामुळे या सामन्यात कोण मैदान मारतं हे निकालानंतरच स्पष्ट होईल.