Shirur Accident News : शिरुरमध्ये मोठा अपघात, पोलीस पाटलाच्या मुलीने तरुणांना जीपखाली चिरडलं; एकाच जागीच मृत्यू

या घटनेनं परिसरात मोठी खळबळ उडाली आहे. अरुण मेमाणे असं मृत्युमुखी पडलेल्या तरुणाचं नाव आहे. तर अपघातात महिंद्र बांडे हा तरुण गंभीर जखमी झाला आहे. धक्कादायक बाब म्हणजे, जेव्हा ही अल्पवयीन मुलगी जीप चालवत होती, तेव्हा तिचे पोलीस पाटील वडील ड्रायव्हर सीट शेजारीच बसले होते. याप्रकरणी शिरुर पोलिसांनी गुन्हा दाखल केला आहे.

पोलिसांनी दिलेल्या माहितीनुसार, शिरुर तालुक्यातील अरणगावचे पोलीस पाटील संतोष लेंडे मालवाहू पिकअप घेऊन शेतात निघाले होते. तेव्हा त्यांनी अल्पवयीन मुलीला पिकअप चालवण्यासाठी दिला. अरणगाव शेतशिवारात पिकअप आला असता, अल्पवयीन मुलीचे पिकअपवरील नियंत्रण सुटले.