Pune Accident News : पुण्याजवळ भीषण अपघात! भरधाव बस झाडावर आदळली, ३० प्रवासी जखमी; काहीजण गंभीर

याबाबत सविस्तर माहिती अशी की, पुणे जिल्ह्याच्या दौंड तालुक्यातील यवतजवळ पुणे- सोलापूर रोडवर आज दुपारी बसचा भीषण अपघात झाला. भरधाव वेगात असलेली बस रस्त्याकडेला असलेल्या झाडावर आदळल्याने हा अपघात झाल्याचे सांगण्यात येत आहे. यामध्ये जवळपास ३० प्रवासी जखमी झालेत.

महाराष्ट्र परिवहन महामंडळाची ही बस पंढरपूरहून मुंबईकडे जाण्यासाठी निघाली होती. मात्र पुणे जिल्ह्यातील यवत जवळ असलेल्या सहजपुर गावाच्या हद्दीत या बसला अपघात झाला‌. ही धडक इतकी भीषण होती की त्यामध्ये बसचा अक्षरश: चेंदामेंदा झाला. या अपघातामध्ये जवळपास ३० प्रवासी जखमी झाले आहेत.