Heart Attack: झोपताना जबडा दुखतोय? असू शकतं हार्ट अटॅकचं लक्षण; वेळीच व्हा सावध नाहीतर..

अनेक वेळा हार्ट अटॅकची लक्षणे रात्री झोपेतही जाणवतात. विशेषतः महिलांना, अचानक खूप थकवा जाणवत असेल तर हे हार्ट अटॅकचं महत्त्वाचं लक्षण असू शकतं. कोणतंही जड काम न करता सुद्धा शरीर खूप थकल्यासारखं वाटत असेल, तर ते दुर्लक्षित करू नका. त्यासोबत हृदयाची धडधड अचानक वाढणं किंवा अनियमित होणं हे देखील धोक्याचं लक्षण ठरू शकतं.

काही रुग्णांना हार्ट अटॅकच्या वेळी मळमळ, उलटी सारखं वाटतं. काहींना डाव्या हातात, मानेत, पाठीमध्ये किंवा पोटातही वेदना होतात. तर काही वेळा जबड्यात वेदना जाणवतात. हे लक्षण फारसं ओळखलं जात नाही, पण छातीत दुखणं, धडधड किंवा थकवा यासोबत जबड्यात वेदना होत असतील, तर ते हार्ट अटॅकचं गंभीर लक्षण असू शकतं.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.