Pune : अपघाताच्या 6 मिनिटे आधीचा अजित पवारांचा शेवटचा कॉल समोर; संवादातील शब्दांनी वाढवली गूढता

Baramati : राष्ट्रवादीचे अध्यक्ष आणि राज्याचे उपमुख्यमंत्री अजित पवार यांचे बारामती येथील विमान अपघातात दुर्दैवी निधन झालं. कामाचा माणूस अशी ओळख असणाऱ्या अजित पवार यांच्या निधनाने राज्यभरात हळहळ व्यक्त केली जात आहे. अशातच आज बारामती इथं अजित पवार यांच्या सहकाऱ्यांनी पत्रकार परिषद घेत त्यांच्या शेवटच्या फोन कॉलबाबत माहिती दिली आहे. अजित पवार यांनी अपघाताच्या सहा मिनिटे आधी आपले चुलत पुतणे आणि राष्ट्रवादीचे कार्यकर्ते श्रीजीत पवार यांच्याशी स्थानिक स्वराज्य संस्थांच्या निवडणुकीबाबत संवाद साधला होता. श्रीजीत पवार यांच्यासह बारामतीचे नगराध्यक्ष सचिन सातव आणि राष्ट्रवादीच्या इतर पदाधिकाऱ्यांनी आज बारामतीतील राष्ट्रवादीच्या कार्यालयात घेतलेल्या पत्रकार परिषदेत अजित पवारांच्या शेवटच्या कॉलचे रेकॉर्डिंग ऐकवले आहे.

श्रीजीत पवार यांनी स्थानिक स्वराज्य संस्थांच्या निवडणुकीत आपण माळी समाजाच्या उमेदवाराला संधी दिली पाहिजे, अशी मागणी करणारा टेक्स्ट मेसेज अजित पवार यांना केला होता. हा मेसेज प्राप्त झाल्यानंतर विमान प्रवासात असलेल्या अजित पवारांनी सकाळी 8 वाजून 37 मिनिटांनी श्रीजीत पवारांना फोन करून आपण सर्व जाती-धर्माच्या लोकांना निवडणुकीत कशी संधी दिली आहे, याबाबतची माहिती दिली.

Pune : वाहतूक कोंडीला बायपास! थेट हिंजवडी–मुंबई बससेवा; प्रवासातील दीड तास वाचणार, एसटी विभाग हालचालीत

श्रीजीत पवार- मला जे वाटलं ते मत मी मांडलं दादा.

अजित पवार- अहो, बरोबर आहे. पण मी माळी समाजाला जिल्हा परिषदेची उमेदवारी सुपे गटातून दिली आहे. ती जागा ओबीसी प्रवर्गासाठी राखी होती. असं असतानाही इतर पक्षांनी वेगळे उमेदवार दिले. मात्र त्या पद्धतीने आपण केलं आहे.

श्रीजीत पवार- ठीक आहे दादा, तुम्हाला जो योग्य वाटतो, तो निर्णय घ्या.

अजित पवार- ओके.

दरम्यान, "शेवटच्या क्षणापर्यंत सर्व जातीतील समाज घटकाला सोबत घेऊन जाण्याची दादांची भूमिका अखेरच्या क्षणापर्यंत त्यांनी जपली, हे या संवादातून स्पष्ट होतं," असं श्रीजीत पवार यांनी पत्रकारांशी संवाद साधताना म्हटलं आहे.