पुणे : बिबवेवाडीत ट्रकचालकाने माय-लेकीला चिरडले, वाहनचालक अटकेत

पोलिसांनी दिलेल्या माहितीनुसार, रुपाली आणि त्यांची मुलगी गरिमा १५ फेब्रुवारी रोजी सायंकाळी सव्वासहाच्या सुमारास दुचाकीवरून घरी चालल्या होत्या. त्यावेळी बिबवेवाडी जंक्शन सिग्नलजवळ अचानकपणे खडी वाहून नेणाऱ्या ट्रकचालकाने वळण घेतले. त्यामुळे ट्रकखाली सापडल्यामुळे दोघेही माय-लेक चिरडून गंभीररित्या जखमी झाल्या. त्यांना तातडीने रुग्णालयात दाखल करण्यात आले. मात्र, उपचारादरम्यान त्यांचा मृत्यू झाला. याप्रकरणी पोलीस उपनिरीक्षक शिरसट तपास करीत आहेत.