पुणे : जिल्ह्यात ८४ पूरप्रवण गावे ; पुणे, पिंपरी-चिंचवडमध्ये २६ ठिकाणे जाहीर

पुणे : जिल्ह्यामध्ये ८४ गावे पूरप्रवण असून, या गावांतील नागरिकांना सतर्क राहण्याचा इशारा जिल्हा प्रशासनाकडून देण्यात आला आहे. अलीकडच्या काही वर्षात पावसाचे प्रमाण वाढत असल्याने आपत्ती व्यवस्थापनाशी संबंधित अधिकाऱ्यांनी मोसमी पावसाचे आगमन झाल्यानंतर मुख्यालयात थांबण्याचे आदेश जिल्हाधिकारी डॉ. राजेश देशमुख यांनी दिले आहेत.

जिल्ह्यामधील पूरप्रवण गावांची यादी प्रशासनाने तयार केली आहे. त्यामध्ये दौंड तालुक्यातील सर्वाधिक १६ गावे आहेत. त्यानंतर मावळ तालुक्यातील दहा, आंबेगाव आणि शिरुरमधील प्रत्येकी नऊ, मुळशी तालुक्यातील सात, भोरमधील तीन गावांचा समावेश आहे. इंदापूर, बारामती, खेड या तालुक्यांमध्ये प्रत्येकी एक, जुन्नारमधील दोन गावे आहेत. या गावांकडे विशेष लक्ष ठेवण्याचे आदेश जिल्हाधिकारी डॉ. देशमुख यांनी प्रशासनाला दिले आहेत.

जिल्ह्यात पावसाचे प्रमाण वाढले असल्याचे जिल्हा प्रशासनाकडून जिल्ह्यातील पूरस्थिती, पूरप्रवण गावे, दरडप्रवण गावे यांबाबतचा आराखडा तयार करण्यात आला आहे. पावसाचे प्रमाण वाढले असल्याने आपत्ती व्यवस्थापनाशी संबंधित अधिकाऱ्यांनी मुख्यालयात थांबण्याचे आदेश जिल्हाधिकारी डॉ. देशमुख यांनी दिले आहेत.

पुणे आणि पिंपरी चिंचवडमधील धोकादायक ठिकाणे

हिंगणे खुर्द, विठ्ठलवाडी, पुलाचीवाडी, पाटील इस्टेट, येरवड्यातील शांतीनगर आणि इंदिरानगर, संगमवाडी, लोणीकाळभोर, चांदे, वाकड, औंध, दापोडी, सांगवी, बाणेर, हिंगणगाव, पिंपरी, चिंचवड, कासारवाडी, फुगेवाडी, पिंपळेसौदागर, पिंपळे गुरव, रहाटणी, चोवीसवाडी, निरगुडे, सांगवी.

जिल्ह्यातील प्रमुख पूरप्रवण गावे

भोरमधील पऱ्हाटी, लुमेवाडी आणि निरा, खेड तालुक्यामधील सांगुर्डी, आंबेगाव तालुक्यातील चांडोली, पारगाव, निगुडसर, नारेाडी, चिंचोली, जवळे, पडवळ, गणेगाव दुमाला, बाभुळसर आणि तांदळी, जुन्नर तालुक्यातील सारवरगाव आणि नारायणगाव, हवेली तालुक्यामधील पिंपरी सांडस, डोंगरगाव, बुर्केगाव, पेरणे, आष्टापूर, नाव्हीसांडस, वडू खुर्द, शिरुरमधील शिक्रापूर, कोरेगाव भीमा, डिंग्रजवाडी, विठ्ठलवाडी, वडगाव रासाई, वढू बुद्रुक, आपटी, रांजणगाव, सांडस आणि म्हाळुंगे, दौंडमधील नांदूर, वडगाव, काशिंबे, गोनवडी, खोरवडी, वडगावढेरे, पेडगाव, सोनवडी, मलठण, बावडा, गणेशवस्ती, भांडगाव हातवळण, हिंगणेबेरडी आणि शिरापूर, इंदापूरमधील निरा नरसिंगपूर, मावळमधील भावडी, पुलगाव, सांगवी सांडस, लोणावळा, कामशेत आणि वडगाव मावळ; तसेच देहू आणि आळंदी यांचा समावेश आहे