अमृतसर : 1857 च्या उठावातील 282 भारतीय सैनिकांचे पंजाबमध्ये सापडले सांगाडे

अमृतसर : पंजाबच्या अमृतसरजवळील अजनाळा येथे एका विहिरीत भारतीय जवानांचे सांगाडे सापडले आहेत. पंजाब विद्यापीठातील मानववंशशास्त्र विभागाचे सहायक प्राध्यापक डॉ. जे.एस. सेहरावत सांगतात की, हे सांगाडे २८२ भारतीय सैनिकांचे आहेत. 1857 साली झालेल्या इंग्रजांविरुद्धच्या भारताच्या पहिल्या स्वातंत्र्यलढ्यात या सैनिकांची हत्या करण्यात आली होती. ही विहीर एका धार्मिक संरचनेखाली सापडली होती. सेहरावत पुढे म्हणाले कि, अभ्यासातून असे दिसून आले आहे की या सैनिकांनी डुक्कर आणि गायीच्या चरबीपासून बनवलेल्या काडतुसांच्या विरोधात इंग्रजांविरुद्ध बंड केले होते.