अकोल्यात भयंकर घडलं; आगीत होरपळून मामा-भाचीचा मृत्यू, हसत्या खेळत्या कुटुंबावर दु:खाचा डोंगर

अक्षय गवळी, साम टीव्ही

अकोल्यातून एक दुःखद घटना समोर आलेली आहे. अकोला जिल्ह्यातील अकोट तालुक्यातल्या अडगाव बुज्रुग गावात आज रात्री एका घराला भीषण आग लागली. या आगीत दोघांचा मृत्यू झाल्याची माहिती समोर आली आहे. आग लागलेली असताना अचानकपणे मोठा पाठोपाठ स्फोट झाले आणि परिसरात भीतीचे वातावरण पसरलंय. चव्हाण नामक व्यक्तीच्या घरा ही आग लागली होती. घरात ज्वलनशील पदार्थ अर्थातच पेट्रोल आणि डिझेलचा साठा साठवून ठेवला होता. त्यामुळेच पाठोपाठ स्फोट झाले असावेत, असा प्राथमिक अंदाज घटनास्थळी वर्तविला जात होता.