पुणे : 'Serum Institute'ची एक कोटी रुपयांची फसवणूक करणारे गजाआड, टोळीचा म्होरक्या फरार

पुणे : 'सीरम इन्स्टिट्यूट'चे मुख्य कार्यकारी अधिकारी आदर पूनावाला यांच्या नावाने बनावट व्हॉटसअॅप मेसेज पाठवून संस्थेची तब्बल एक कोटी रुपयांची फसवणूक करणाऱ्यांना अखेर पोलिसांनी अटक केली. बंडगार्डन पोलिसांच्या पथकाने बिहार येथे जाऊन धडक कारवाई केली.

मात्र, या प्रकरणातील मुख्य सुत्रधार अद्याप पोलिसांच्या (Police) हाती लागलेला नाही. फसवणुकीची घटना 7 सप्टेंबर रोजी घडली होती. रविंद्र कुमार हुबनाथ पटेल (34,उत्तरप्रदेश),बिहारचा राजीवकुमार शिवजी प्रसाद (27),चंद्रभुषण आनंद सिंग (37) आणि कन्हैया कुमार संभू म्हानतो (22) अशी अटक केलेल्या आरोपींची नावे आहेत. 

पोलिसांनी दिलेल्या माहितीनुसार,'सीरम इन्स्टिट्यूट'चे मुख्य कार्यकारी अधिकारी आदर पूनावाला यांच्या नावाने बनावट व्हॉटसअॅप मेसेज पाठवून संस्थेची एक कोटी रुपयांची फसवणूक केल्याची घटना 7 सप्टेंबर रोजी घडली होती.याप्रकरणी सीरम इन्स्टिट्यूटचे फायनान्स अधिकारी सागर कित्तूर यांनी बंडगार्डन पोलिस ठाण्यात फिर्याद दिली होती.त्यानुसार माहिती व तंत्रज्ञान कायद्यानुसार फसवणुकीचा गुन्हा दाखल करण्यात आला आहे.कित्तूर हे सीरम इन्स्टिट्यूटमध्ये फायनान्स व्यवस्थापक आहेत्न,तर सतीश देशपांडे कंपनीचे संचालक आहेत.