Kasaba Byelection Result : मतमोजणी केंद्राच्या परिसरात प्रतिबंधात्मक आदेश

राजकीय पक्षाच्या कार्यकर्त्यांना ध्वनिवर्धक यंत्रणेचा वापर करण्यास मनाई करण्यात आली आहे. दोन मार्च रोजी पहाटे एक वाजल्यापासून मतमोजणी प्रक्रिया पूर्ण होईपर्यंत हे आदेश लागू राहतील, अशी माहिती पोलिस सह आयुक्त संदीप कर्णिक यांनी दिली.

मतमोजणी केंद्र परिसरात कोणताही मजकूर प्रदर्शित करण्यास मनाई आहे. शासकीय वाहने सोडून अन्य वाहनांना या परिसरात प्रवेश देण्यात येणार नाही. तसेच, मतमोजणी केंद्रात वैध पास असलेल्या व्यक्तींनाच प्रवेश देण्यात येईल, असे आदेशात नमूद केले आहे.