नवी दिल्ली : अंधेरी-पूर्व विधानसभा मतदारसंघातील पोटनिवडणुकीसाठी शिवसेनेच्या ‘धनुष्य-बाण’ या निवडणूक चिन्हावरील हक्कासंदर्भात तातडीने निर्णय घेण्याची विनंती एकनाथ शिंदे गटाने केंद्रीय निवडणूक आयोगाला केली असली, तरी ठाकरे गटाने मात्र या मागणीला कडाडून विरोध केला आहे. दोन्ही गटांनी सादर केलेल्या कागदपत्रांची पडताळणी आणि सत्यता तपासून पाहिल्यानंतर अंतिम निर्णय घ्यावा, फक्त पोटनिवडणुकीसाठी हंगामी आदेश देऊन निवडणूक चिन्ह गोठवण्यात येऊ नये, अशी स्पष्ट भूमिका ठाकरे गटाने घेतली आहे.
शिंदे गटाच्या वतीने वकील चिराग शहा यांनी निवडणूक चिन्हाच्या हक्कासंदर्भात ४ ऑक्टोबर रोजी सर्व कागदपत्रे सादर केली आहेत. ३ नोव्हेंबर रोजी होणाऱ्या अंधेरी-पूर्व विधानसभा निवडणुकीत शिवसेनेच्या ‘धनुष्य-बाण’ या निवडणूक चिन्हाचा वापर करू देण्याची मागणी शिंदे गटाने आयोगाकडे केली आहे. त्यासंदर्भात ठाकरे गटाने उत्तर आणि कागदपत्रे सादर केलेली नाहीत. आवश्यक कागदपत्रे शनिवारी दुपारी २ वाजेपर्यंत सादर करावीत, असे पत्र आयोगाने ठाकरे गटाला पाठवले आहे. ‘‘दोन्ही गटांना कागदपत्रांसाठी ७ ऑक्टोबपर्यंत मुदत देण्यात आली होती,’’ असे आयोगाने पत्रात नमूद केले आहे.
‘‘केंद्रीय निवडणूक आयोगाने दिलेल्या मुदतीनुसार (७ ऑक्टोबर), आम्ही महत्त्वाची कागदपत्रे शुक्रवारी दुपारी ४ वाजेपर्यंत सादर केली. आता आयोगाने नवा ई-मेल करून शिंदे गटाच्या विनंतीवर (निवडणूक चिन्हावर तातडीने निर्णय) शनिवापर्यंत म्हणणे मांडण्यास सांगितले आहे. आम्ही कागदपत्रे सादर करूनही, आता २४ तासांमध्ये पुन्हा उत्तर सादर करण्यास का सांगितले जाते,’’ असा प्रश्न ठाकरे गटाचे राज्यसभेतील खासदार अनिल देसाई यांनी उपस्थित केला आहे. आयोगाच्या ई-मेलवर शनिवारी आम्ही आमची भूमिका मांडणार असल्याचेही देसाई यांनी सांगितले.
लोकप्रतिनिधी कायद्याच्या अनुच्छेद ‘२९-अ’नुसार, कुठल्याही राजकीय पक्षाला नोंदणी करावी लागते आणि अधिकृत राजकीय पक्षाला निवडणूक चिन्ह दिले जाते. प्रत्येक राजकीय पक्षाची घटना असते. घटनेतील तरतुदीनुसार राजकीय पक्ष चालवला जातो. शिवसेनेच्या घटनेप्रमाणे २३ जानेवारी २०१८ रोजी झालेल्या राष्ट्रीय कार्यकारिणीमध्ये उद्धव ठाकरे यांना लोकशाही पद्धतीने प्रतिनिधी सभेने शिवसेनेचे कार्यप्रमुख म्हणून निवडून दिले आहे. त्यामुळे उद्धव ठाकरे २३ जानेवारी २०२३ पर्यंत कार्यप्रमुख असतील. शिवसेना पक्षाच्या घटनेनुसार झालेल्या पक्षप्रमुखांच्या निवडीविरोधातील कोणाचाही आक्षेप ग्राह्य धरता येत नाही, असा दावा देसाई यांनी केला.
उद्धव ठाकरे गटाच्या वतीने शुक्रवारी पहिल्यांदाच लेखी निवेदनासह महत्त्वाची कागदपत्रे केंद्रीय निवडणूक आयोगाला देण्यात आली. ‘‘एकनाथ शिंदे यांच्यासह त्यांच्या गटातील आमदारांनी स्वत:हून शिवसेना पक्षाचा त्याग केला असल्याने शिंदे गटाला धनुष्य-बाणावर हक्क सांगता येणार नाही,’’ असे लेखी प्रत्युत्तर ठाकरे गटाने दिले आहे. शिंदे गटाच्या वतीने ४ ऑक्टोबर रोजी केंद्रीय निवडणूक आयोगाला दिलेल्या निवेदनामध्ये ४० आमदार, १२ खासदार शिंदे गटात सामील झाले आहेत. शिंदे गटाच्या कार्यकारिणी सभेत १४४ पदाधिकारी, तसेच १२ राज्यांच्या शिवसेनेच्या प्रमुखांनी एकनाथ शिंदे यांची मुख्य नेता म्हणून निवड केली असल्याचा दावा केला आहे. याशिवाय, एक लाखाहून अधिक प्राथमिक सदस्यांची प्रतिज्ञापत्रेही आयोगाला सादर करण्यात आली आहेत, मात्र हा दावा ठाकरे गटाने पूर्णपणे फेटाळून लावला आहे.
शिवसेना पक्षाच्या घटनेनुसार, राष्ट्रीय कार्यकारिणी बैठकीत प्रतिनिधी सभेमध्ये घेतले गेलेले निर्णय अंतिम असतात. प्रतिनिधी सभेतील ७० टक्क्यांहून अधिक सदस्य म्हणजे सुमारे २६० सदस्यांपैकी १६० हून अधिक सदस्य ठाकरे गटात आहेत. या सर्वाच्या सदस्यत्वांची तसेच शिवसेनेच्या १० लाखांहून अधिक नव्या प्राथमिक सदस्यांची प्रतिज्ञापत्रेही ठाकरे गट केंद्रीय निवडणूक आयोगाला सादर करणार आहे. शिंदे गटाने आयोगाकडे केलेल्या दाव्यांना चोख प्रत्युत्तर देण्याची तयारी ठाकरे गट करीत आहे.
शिंदे गटाने निवडणूक चिन्हासंदर्भात केलेल्या अर्जावर केंद्रीय निवडणूक आयोगाला सुनावणी घेण्याची मुभा देणारा आदेश सर्वोच्च न्यायालयाने २७ सप्टेंबर रोजी दिला होता. त्यानंतर, दुसऱ्या दिवशी, २८ सप्टेंबर रोजी निवडणूक आयोगाने शिंदे आणि ठाकरे गटांना पत्रे पाठवून सर्व कागदपत्रे सादर करण्यास सांगितले होते. ही मुदत शुक्रवारी, ७ ऑक्टोबर रोजी संपुष्टात आली. यापूर्वी सादर केलेली कागदपत्रे पुन्हा विहित नमुन्यांमध्ये सादर करण्याचा आदेशही आयोगाने शिंदे गटाला दिला होता, तसेच या कागदपत्रांची प्रत ठाकरे गटालाही उपलब्ध करून देण्याची सूचना आयोगाने केली होती. या पत्रानुसार, शिंदे गटाने विहित नमुन्यांमध्ये कागदपत्रे सादर केली. शिंदे गटाच्या वतीने शुक्रवारी कागदपत्रांचे गठ्ठे आयोगाकडे सुपूर्द करण्यात आले. ठाकरे गटालाही अशाच प्रकारचे पत्र आयोगाने पाठवले होते.
उत्तरासाठी आज दुपारी २ पर्यंतची मुदत..
अंधेरी-पूर्व विधानसभा मतदारसंघात ३ नोव्हेंबर रोजी पोटनिवडणूक होणार आहे. १४ ऑक्टोबर ही उमेदवारी अर्ज भरण्याची शेवटची तारीख आहे. त्यामुळे निवडणूक चिन्हासंदर्भात तातडीने निर्णय घ्यावा, अशी विनंती शिंदे गटाने ४ ऑक्टोबर रोजी आयोगाकडे केली आहे. यासंदर्भात केंद्रीय निवडणूक आयोगाने शुक्रवारी ठाकरे गटाला पत्र पाठवून शनिवारी दुपारी २ वाजेपर्यंत उत्तर दाखल करण्यास सांगितले आहे.
सुभाष देसाईंचा दावा..
शिवसेनेच्या घटनेप्रमाणे २३ जानेवारी २०१८ रोजी झालेल्या राष्ट्रीय कार्यकारिणीमध्ये उद्धव ठाकरे यांना लोकशाही पद्धतीने प्रतिनिधी सभेने पक्षाचे कार्यप्रमुख म्हणून निवडून दिले आहे. त्यामुळे ठाकरे २३ जानेवारी २०२३ पर्यंत कार्यप्रमुख असतील. पक्षाच्या घटनेनुसार झालेल्या पक्षप्रमुखांच्या निवडीबाबतचा कोणाचाही आक्षेप ग्राह्य धरता येत नाही, असा दावा शिवसेनेचे नेते सुभाष देसाई यांनी केला.
शहर
- Chembur Fire : चेंबूरमधील आग दुर्घटनेची CM शिंदेंकडून पाहणी; मृतांच्या कुटुंबियांना 5 लाखांची मदत जाहिर
- Pune Crime : पुणे हादरलं! वारज्यात घरात घुसून महिलेवर लैंगिक अत्याचार, शहरात संतापाची लाट
- Mumbai : मुंबईत मोठी दुर्घटना, चेंबूरमधील सिद्धार्थ कॉलनीत भीषण आग; एकाच कुटुंबातील ७ जणांचा मृत्यू
- Pune Crime : रोड रोमिओच्या त्रासाला कंटाळून १२ वर्षीय मुलीने संपवलं जीवन, पिंपरी चिंचवडमधील धक्कादायक घटना
महाराष्ट्र
- Latur Food Poisoning : खळबळजनक! लातूरमध्ये 30 ते 35 विद्यार्थिनींना जेवणातून विषबाधा; प्रशासनाची धावपळ
- Akola News : संतापजनक! निर्दयी बापाने 2 चिमुकल्या मुलींना नदीत फेकलं; मन सुन्न करणारी घटना, आरोपीला अटक
- Chandrapur School Bus Accident : विद्यार्थांना घेऊन जाणारी स्कूल बस उलटली, बसमध्ये होते ६० विद्यार्थी
- Beed News : बँक शाखा व्यवस्थापकास पाईपने मारहाण; घटनेनंतर बँक अधिकारी कर्मचाऱ्यांचा तहसीलवर मोर्चा
गुन्हा
- Pune Crime : बोपदेव घाट बलात्कार प्रकरण, संशयित आरोपींचे CCTV फुटेज समोर
- Pune Crime: पुणे पुन्हा हादरले! ५ वर्षांच्या चिमुकल्यावर अनैसर्गिक अत्याचार, कोंढव्यातील संतापजनक प्रकार
- Pune Crime : पुण्यात माणुसकीला काळिमा..! धावत्या स्कूल बसमध्ये २ अल्पवयीन मुलींवर लैंगिक अत्याचार
- Pune Police : आधी हप्ता घेतला, नंतर बेडशीटही पळवल्या; पुण्यात दोन पोलिसांचं तडकाफडकी निलंबन
राजकीय
- Maharashtra Politics : पुण्यात मनसेला मोठं खिंडार, जयंत पाटलांनी गेम केला; राज ठाकरेंचा विश्वासू नेताच फोडला
- Maharashtra Politics : मराठा ओबीसी वाद मिटणार? आरक्षणाच्या मुद्द्यावर आज सर्वपक्षीय नेत्यांची बैठक, शरद पवारांसह दोन्ही ठाकरेंना निमंत्रण
- Uddhav Thackeray : 'पापाचा घडा लपवण्यासाठी...'; 'मुख्यमंत्री लाडकी बहीण योजने'वरून उद्धव ठाकरेंचा राज्य सरकारवर घणाघात
- Maharashtra Politics : छत्रपती संभाजीनगरमध्ये भाजपला मोठं खिंडार, राजू शिंदेंसह ६ माजी नगरसेवक ठाकरे गटात
इतर
- Aastad Kale : 'राजन नावाचे क्रिमिनल आहेतच की', मुलाचं नाव जहांगीर ठेवल्यामुळे चिन्मय मांडलेकरच्या ट्रोलिंगवर आस्ताद काळेचं स्पष्ट मत
- Ashok Saraf : नाट्य परिषदेचा जीवनगौरव पुरस्कार अभिनेते अशोक सराफ व रोहिणी हटंगडी यांना जाहीर
- Neena Gupta Interview : 'पैशांसाठी मी तशा भूमिका केल्या, देवाकडे प्रार्थना करायची की...' अभिनेत्रीने स्ट्रगलच्या दिवसांतील मांडली व्यथा
- Munawar Faruqui : 'बिग बॉस १७' विनर मुनव्वर फारुकीची प्रकृती बिघडली, रुग्णालयात उपचार सुरू; नेमकं काय झालं?
मनोरंजन
- Anant Ambani Wedding Budget : काय सांगता? अंबानींच्या एका लग्नाच्या बजेटमध्ये पाच सेलिब्रिटींचं लग्न; अनुष्का,दीपिका, प्रियंकाही पडल्या मागे
- बिग बॉस’ फेम अब्दु रोजिकने उरकला १९ वर्षीय अमीराशी साखरपुडा; आनंदाची बातमी देत शेअर केले खास फोटो
- राजकुमार रावच्या ‘श्रीकांत’ची जबरदस्त सुरुवात, कोण आहे ५०० कोटींची कंपनी उभारणारा नेत्रहीन उद्योजक? जाणून घ्या
- ‘महाराष्ट्राची हास्यजत्रा’पेक्षा निलेश साबळेच्या नव्या कार्यक्रमाला प्रेक्षकांच्या चांगला प्रतिसाद, टीआरपीच्या यादीत ‘या’ स्थानावर
विडियो गॅलेरी
देश विदेश
- Desh Videsh : इराणच्या इस्रायलवरील हल्ल्यानंतर कच्च्या तेलाच्या किंमतीत ३ टक्क्यांनी वाढ; भारतातही पेट्रोल-डिझेलचे दर वाढणार?
- Israel Hezbollah War Updates : इस्रायल-लेबनॉनचा संघर्ष चिघळला, हेझबोलाविरोधात आता जमिनीवरून हल्ले !
- Pakistani family in India: पाकिस्तानी कुटुंबानं ‘शर्मा’ नाव लावून बंगळुरूत केलं वास्तव्य; ‘असं’ फुटलं बिंग
- MP Road Accident: भयंकर! भरधाव बस दगड भरलेल्या डंपरमध्ये घुसली, ९ जण ठार; जेसीबीने पत्रा कापून मृतदेह काढले बाहेर