उत्तर प्रदेश : लग्नाची मिरवणूक उठली जीवावर; अपघातात 8 ठार 3 गंभीर जखमी

उत्तर प्रदेश : उत्तर प्रदेशातील सिद्धार्थनगर येथे रविवारी मोठा अपघात घडला असून यामध्ये आठ जणांचा मृत्यू झाला आहे. लग्नाच्या मिरवणुकीतून परतत असताना हा अपघात घडला. त्यावेळी गाडीमध्ये ११ जण होते. मिरवणुकीतून परतत असताना त्यांच्या गाडीची धडक उभ्या असलेल्या ट्रकला बसली. यामध्ये आठ जणांचा जागीच मृत्यू झाला असून ३ जण गंभीर जखमी झाले आहेत.

सिद्धार्थनगर येथील जोगीया कोठवाली येथे हा अपघात आज सकाळी घडला असून यामध्ये असलेले ११ जण आपल्या मित्राच्या लग्नाच्या मिरवणुकीतून परत येत होते. त्यांची गाडी रस्त्याच्या कडेला उभ्या असलेल्या एका ट्रकला जाऊन धडकली. यामध्ये आठजण जागीच ठार झाले आहेत आणि तिघे गंभीर जखमी झाले आहेत. जखमींना स्थानिकांनी रुग्णालयात दाखल केले आहे.

[Sassy_Social_Share type="floating" url="https://punenews24.in/ताज्या-बातम्या/उत्तर-प्रदेश-लग्नाची-मिर/"]